من طرف ليه يا بنتى ترخصى نفسك و انتى ربنا خلقك عزيزة ... ليه تضيعى سعادة عمرك كلها
مقابل تعيشى كام يوم دلوقتى ... ليه تخونى ثقة والدتك أو والدك اللى بيتعب عشانك
و فاكرك احسن بنت فى الدنيا دى كلها و اللى يتمنى يجيبلك نجوم السما عشان يسعدك
... و كل ده ليه عشان مش قادرة تصبرى شوية مش عارفة تعيشى كل مرحلة فى مرحلتها ... ليه تستعجلى
الأحداث !! ... الحب و الارتباط ليه وقت هيجى فيه و يكون من الباب ليه انتى تدخليه دلوقتى من الشباك ... ليه
عاوزه تطفى النور
اللى ربنا ادهولك كبنت ... ليه عاوزه ترخصى نفسك ... ليه عاوزه تبقى لعبة فى ايد
كل واحد يلعب بيها شوية و بعد كده يرميها ... انتى ربنا خلقك جوهرة غالية فلازم تفضلى كده ..
.
طب جربى كده فى مرة تكونى خارجة مع صاحبك رايحين السينما مثلا
و اساليه بكل صراحة : انت ترضى ان اختك تخرج مع ولد و يروحوا السينما زينا كده
؟؟ ... و شوفى رده هيبقى ايه ... لو قالك عادى يبقى ده مش راجل و لو قالك لا طبعا
يبقى انتى كده عرفتى قيمتك عنده ... مش بقولك انك تخاصمى الولاد لأن الولاد مع
البنات فى كل حتة سواء الكلية او الشارع او النادى ... هتتعاملى مع الولاد عادى و تدرسى معاهم و تتكلمى
معاهم و تشتغلى معاهم ... لكن فى حدود المسموح و حدود الأخلاق ... يعنى فى الحدود اللى تخليكى قادرة
ترفعى راسك عادى فى وش والدك ...
يعنى فى الحدود اللى تحافظ عليكى زى ما ربنا خلقك جوهرة غالية
يعنى أيه كلمة صحوبية؟؟
يعنى شابة تروح ضحية...شاب طايش مش بيحمل مسؤلية
يعنى أيه كلمة صحوبية؟؟
يعنى دنيا رومانسية... يعنى لمسة مش شرعية
يعنى أيه كلمة صحوبية؟؟
يعنى وردة من حبيبى... بس شوكها كله أزية
يعنى أيه كل أيه كلمة صحوبية؟؟
يعنى آه كان جنبى إمبارح... بس بكرا هيغدر بية
يعنى أيه كلمة صحوبية؟؟
يعنى فترة وبيقضيها ... ولو جوازمش هبقى هى
يعنى أيه كلمة صحوبية ؟؟
يعنى اضيع عمرى ونفسى...وملقاش حد بيبكى عليه
يعنى أيه كلمة صحوبية؟؟
يعنى أعيش اللحظة الجاية...وأبيع كده جنتى بأيديا
يعنى أيه كلمة صحوبية؟؟
يعنى ربى هيغضب منى...يعنى أهلى هانوا عليه
هى دى بقا معنى الصحوبية
يلا يا بنتى فوقى لنفسك...قبل ما تقعى بكره ضحية
صبرى روحك وأوعى لنفسك...وأصلحى من جواكى النية
أدعى لربك يغفر ذنبك ...ويهون أيامك الجايه
لحد مايجى فارس حلمك...وتعيشى فى بيته متهنيه
هى دى سنة سيدى محمد...و ده إسلامى بيكرم فيه
عايزة أقوم وأقول للعالم...لأ من قلبى للصحوبية
ربى اختار لى تاج العفة...وده من حبه وكرمه عليه
وعمر الأسلام ما بيخنقنى...ولا كان قصده يظلم فيه
لأ من قلبى للصحوبية...لأ من قلبى للصحوبية
عايزة اشوف تفاعل و اشوف آرائكم يا بنات
حتى لو في ناس معارضين عادي
"اختلاف الرأي لا يفسد للود قضية"
و لو في ناس جربت ياريت تقول عن تجربتها عشان الكل يستفيد و ربنا يغفر لها بقدر ما الكل استفاد
و ربنا يهدينا و إياكم و يبعد عنا أعداء الدين و يثبتنا على الحق و الصواب
" اللهم اغننا بحلالك عن حرامك "
إحتـــرامـــ للجميع ــي
